УЛААНБУРХАН ӨВЧНӨӨС СЭРГИЙЛЭХ ЗӨВЛӨМЖ

    А.Танд доорхи шинж тэмдэг илэрвэл улаанбурхан өвчин байж болзошгүй тул эмчид хандана уу

·         Халуурах

·         Биеэр тууралт гарах

үндсэн 2 шинж тэмдэгдээр нэмэгдээд доорхи 3 шинж тэмдгээс аль нэг нь илэрвэл

·         Ханиалгах

·         Нусгайрах

·         Нүд үрэвсэх

Б. Мөн та улаанбурхан өвчин гарч буй оронд зорчсон дамжин өнгөрсөн

В. Халуурсан туурсан хүнтэй хамт байсан

Г. Авах арга хэмжээ:

Хэрвээ танд улаанбурхан өвчний шинж тэмдэг илэрвэл та доорх арга хэмжээг авна уу

• Маск зүүх /хамт байгаа хүмүүсдээ халдвар тараахгүй байх үүднээс/
• Аймаг, дүүргийн өрхийн эрүүл мэндийн төв,  халдвартын эмнэлэг, Халдвар өвчин судлалын үндэсний төвд хандан эмчид үзүүлэх
• Хөнгөн хэлбэрээр өвдсөн тохиолдолд тууралт гарсанаас хойш 7 хоног гэртээ өөрийгөө тусгаарлах
• Эмчийн зөвлөсний дагуу эмчилгээ хийлгэх /А амин дэмийн хамт/
• Тууралт гарахаас өмнөх 4 хоногт тантай хамт байсан гэр бүлийн хүмүүсээ улаанбурханы эсрэг вакциныг 3 хоногын дотор тариулахыг зөвлөх
• Гэртээ чийгтэй цэвэрлэгээ хийх, 2 цаг тутамд агаар оруулах

2. Ээжүүд 9 сар хүртэлх хүүхдээ улаанбурхан өвчнөөс хэрхэн сэрийлэх вэ?

• Шинэ төрсөн ээж төрсний дараа улаанбурханы вакцин тариулах /1 удаа/,
• Шинэ төрсөн ээж төрсний дараа А амин дэм уух /200 000 ОУН нэг удаа/
• Хүүхдээ хөхөөр хооллох
• Хүүхдээ дулаан байлгах
• Нярай хүүхэдтэй хамт амьдарч байгаа аав, ах, эгч, эмээ, өвөөг сайн дурын үндсэн дээр улаанбурханы эсрэг вакцин тариулах
• Гэртээ чийгтэй цэвэрлэгээ хийх, 2 цаг тутамд агаар оруулах

3. Цэцэрлэг, ерөнхий боловсролын сургуулийн хүүхдүүдийн дунд улаанбурхан өвчин голомтлон гарахаас хэрхэн сэрийлэх вэ?:

• Цэцэрлэг, ерөнхий боловсролын сургуульд хүүхдийг элсэн ороход улаанбурханы эсрэг вакцины 2 тунг тариулсан эсэхийг эх хүүхдийн эрүүл мэндийн дэвтрээс шалган вакцинаа бүрэн тариулсан тохиолдолд бүртгэх. Хэрвээ  тариулаагүй бол вадциндаа хамрагдахыг зөвлөх
• Хүүхдийг өглөө цэцэрлэг сургуульд ирэхэд халуурсан туурсан эсэхийг асууж хүлээж авах
• Халуурсан туурсан тохиолдолд бусад хүүхдээс тусгаарлах хамт байсан хүүхдүүдийг улаанбурханы эсрэг вакцинд хамруулах
• Хүүхдүүдийг амин дэмээр баялаг хоол хүнсээр хангах
• Халуун бүлээн шингэн уулгах
• Анги танхимд чийгтэй цэвэрлэгээ хийх, 2 цаг тутамд агаар оруулах
• Хүүхдүүдийг эхний тохиолдол бүртгэгдсэн өдрөөс хойш 21 хоног тогтмол хянах /халуун хэмжих, туурал гарсан эсэхийг үзэх/