Томуу томуу төст өвчнөөс сэргийлье

Манай хүн амын дунд Томуу, томуу төст өвчний халдварын дэгдэлт эрчимтэй явагдаж байна. Иймээс уг халдварын тархалтыг сааруулах, өвчилсөн тохиолдолд хувь хүн, хамт олны эрүүл мэндэд учрах эрсдлийг багасгах, мэдээллийн хүртээмжийг нэмэгдүүлэх зорилгоор байгууллага, хамт олны хүрээнд мэдээлэл сурталчилгааг ажлын байранд нь хэрэгцээнд суурилсан хэлбэрээр оновчтой, шуурхай зохион байгуулах шаардлага гарч байна.

Иймд ажлын байранд эрүүл мэндийг дэмжих 5 зорилтын хүрээнд энэхүү зөвлөмжийг гаргаж байна.

1.Ажлын байранд Томуу, томуу төст өвчний халдвараас сэргийлэхэд баримтлах бодлого байх

1. Ажилчдын дундах халдварын тархалтыг багасгах

2. Суурь өвчинтэй, эрсдэлтэй хүмүүсийг хамгаалах арга хэмжээ авах

3. Бизнесийн үйл ажиллагааныхаа тогтвортой байдлыг хангах

4. Харилцагч байгууллагуудад хүндрэл гарахаас сэргийлэх

Үүний тулд:

· Томуу, томуу төст өвчний халдвараас сэргийлэх, хор хохирол багатай даван туулах уян хатан төлөвлөгөө гаргаж ажиллах

· Энэ төлөвлөгөөний дагуу урьдчилан сэргийлэх үйл ажиллагааг зохион байгуулж, нөхцөл байдлаа тохируулан шаардлагатай үед өөрчилж шинэчлэх

· Байгууллагын төлөвлөгөөг ажилчдад танилцуулж, хүний нөөц,ажлын байрны зохион байгуулалт хийхдээ тэдэнд аль болох хохиролгүй байхаар тооцох

· Орон нутгийн болон харьяа эрүүл мэндийн байгууллагуудтай холбоотой ажиллаж, цаг үеийн мэдээллээр хангаж, хариу арга хэмжээ авч байх

2. Ажлын байранд Томуу, томуу төст өвчний халдвараас сэргийлэх дэмжих орчин бүрдүүлэх

Байгууллагын дотоод нөөц, боломжийг тооцох

· Ажлын байранд Томуу, томуу төст өвчний халдвараас сэргийлэх талаарх эрүүл мэндийн байгууллагаас өгч байгаа зөвлөмжийг баримтлан үйл ажиллагаагаа тогтвортой хэвийн явуулах, цар тахлыг гарз хохирол, хүндрэл багатай даван туулахад үйл ажиллагааны зохион байгуулалт хийж, хөрөнгө нөөцийг бүрдүүлэх

Өвчтэй ажиллагсдыг гэрт нь байлгах

• • Ажил эхлэхээс өмнө болон ажлын явцад ажиллагсдын дунд ханиад томуугийн шинж тэмдэг /халуурсан, толгой өвдсөн ханиаж,найтаалгах, амьсгалахад түвэгтэй болох, цээж давчдах, /илэрсэн бол эмчийн зөвлөгөөнд хамруулан аль болох гэрт нь байлгах арга хэмжээ авах
  • Өвчний сэжиг бүхий шинж тэмдэг илэрсэн даруй бусдад халдвар тараахаас сэргийлэн амны хаалт хэрэглэхийг зөвлөн дэмжлэг үзүүлж, хэрэглээнд нь хяналт тавих

Өвчтэй хүмүүсийг эдгэртэл /5-7 хоног/ гэртээ байсан хугацааны эмчийн магадлагаа, лист авчрахыг шаардахгүй байх /эмч,нарын ачаалал их байгаа/

Томуу, томуу төст өвчний халдварт эрсдэлтэй хүмүүсийг хамгаалах

· Ажил олгогчид нь эрсдэлтэй /жирэмсэн эмэгтэй, цусны даралт ихдэх өвчтэй, уушгины архагтай, чихрийн шижин, бие султай/ хүмүүсийг аль болох олон хүнтэй бага харьцах ажилд томилох, шилжүүлэх

· Хариуцаж буй ажлын ачааллыг багасгах

· Ээлжийн амралтыг олгох эсвэл түр хугацаанд гэртээ байх боломж олгох

· Тэдэнд ханиад томуугийн шинж тэмдэг илэрсэн даруй эмнэлэгт яаралтай үзүүлж эмчийн хяналтанд оруулах

Сургууль цэцэрлэгийн насны хүүхдээ асрах

· Сургууль цэцэрлэг хаагдсантай холбогдуулан бага насны хүүхдээ асрах боломжийг эцэх эхчүүдэд олгох

· Ажилчиддаа хүүхдээ дагуулж ажилдаа ирэхгүй байх боломж олгох

Хөдөлмөрийн эрүүл ахуй, ариун цэврийн нөхцлийг хангах

· Ажлын байранд халуун хоол, буцалсан шингэнээр йлчлэх асуудлыг тогтмолжуулах

· Ажилчдын бие засах газрын ариун цэврийг сайжруулах

· Ажлын байранд гараа зөв угаах, халуун шүршүүрт орох, ууранд суух, дасгал хөдөлгөөнөөр хичээллэх боломжийг бүрдүүлэхэд анхаарал тавих

· Гар халдваргүйтгэлийн бодисын хүртээмжийг нэмэгдүүлэх

Хөдөлмөр зохион байгуулалт хийх

· Шөнийн ээлжинд ажиллагсдыг цөөлөх, ээлжийн цагийг багасгах

· Нэг ээлжинд олон хүн ажиллуулахгүй байх

· Байгууллага дотроо болон харилцагч байгууллага, хувь хүнтэй алсын зайны холбоогоор харилцах боломжийг бүрдүүлэх

· Томуу, томуу төст өвчний халдварын тархалт их байгаа ойрын хугацаанд олон хүн цуглуулах хурал, зөвлөгөөн, уулзалтуудыг цөөлөх

· Зайлшгүй уулзах үйлчлүүлэгчидтэй нүүр тулж харьцахаас зайлсхийж, 5-6 алхмын зайнаас харьцах

· Аль болох, утас, интернет, факс ашиглах, боломжтой бол гэрээсээ интернетээр ажлаа хийх боломж олгох

· Нэн чухал биш гадаадын болон дотоодын аялалыг цуцлах, хойшлуулах

3.Байгууллагын хамт олны оролцоог нэмэгдүүлэх

· Ажилдаа ирэх, явахдаа ажилчдын болон хотын нийтийн тээврийн унаанд чихэлдэж явахаас зайлсхийх, амны хаалтыг зөв хэрэглэх талаар харилцан хяналт тавих

· Хамт ажиллагсдынхаа эрүүл мэндэд харилцан анхаарал тавьж, хэрэв ханиаж найтаах, халуурах, цээж давчдах, бие эвгүйрхсэн шинж илэрсэн хүнийг яаралтай эмчид хандахыг зөвлөх, эсвэл эмч дуудах, холбогдох удирдах хүмүүст мэдэгдэх

· Амны хаалтыг зөв хэрэглэх аргад сургах, мэдээллээр хангах

4.Хувь хүний эрүүл мэндээ хамгаалах чадавхийг дээшлүүлэх

• • Гарын ариун цэврийг сайтар сахиж, бусдад халдвар тараахаас сэргийлэн ам хамрын алчуурыг зөв хэрэглэж хэвших
  • Ажлын байран дээр гарын саван, угаалтуур, ханиаж найтаасны дараа гар ариутгах уусмал зэргээр хангах /боломжтой бол уулзалт, хурлын танхимд гар ариутгах уусмалыг байрлуулах/
  • Ажилчдад гарын ариун цэврийг хангах сургалт сурталчилгаа хийх
  • Царван, сод, давс, фурацилины уусмалуудаар 7-14 хоногоор ээлжлэн хоолой, амаа өдөрт 3-6 удаа зайлж цэвэрлэж занших
  • Биеийнхээ эсэргүүцлийг сайжруулах зорилгоор өдөр бүр 30 минутаас доошгүй хугацаагаар дасгал хөдөлгөөн хийж хөлсөө гаргах
  • Илчлэг сайтай шөлтэй халуун хоол идэж, витаминлаг шингэн зүйлийг халуун бүлээнээр нь түлхүү уух
  • Мөн архи тамхи зэрэг хорт зуршлаас татгалзах

· Ажил амралтаа зөв зохицуулж, сайн унтаж амрах

· Хэрэглэсэн нэг удаагийн амны хаалт, алчуураа заавал хогийн саванд хаях

o Гараа савандаж угаах

o Гар хүрэх бүхий л гадаргууг цэвэрлэж, ариутгах

• • Ажлын ширээ, мөнгө тоологч машин, компьютерийн гар, хулгана, хаалганы хонх, бариул зэрэг хүний гар тогтмол хүрдэг гадаргууг өдөрт 2-3 удаа халдваргүйтгэн цэвэрлэх боломжийг бүрдүүлэх

5.Эрүүл мэндийн үйлчилгээг оновчтой хүргэх

Томуу, томуу төст өвчний халдварын байдалд идэвхтэй тандалт хийж хариу арга хэмжээ авах

Үүний тулд тухайн байгууллагын ажилчдын дундах өвчлөлийн өнөөгийн байдлыг дараах үзүүлэлтэд үндэслэн үнэлэнэ:

o Ханиад, томуугийн халдвараар өвчилсөн, хүндэрсэн тохиолдол /эмнэлэгт хэвтэх, нас барах/

o Ажилдаа ирээгүй хүний тоо

o Эрсдэлтэй бүлгийн /архаг суурь өвчтэй, жирэмсэн, 0-5 насны хүүхэдтэй, 65-аас дээш насны/ хүмүүсийн судалгаа, тэдний эрүүл мэндийн байдал

o Гэр бүлийн хүмүүсийн өвчлөлийн байдлын судалгаа

Хариу арга хэмжээ

· Хүүхдүүд нь өвчтэй байгаа ажилчдын ажлыг зохицуулах

· Ажиллагсдын ирцэнд өдөр бүр хяналт тавьж, тэдний ажилдаа ирээгүй шалтгааныг тогтоох

Өвчилсөн болон гэр бүлийнхнийгээ асарч ажилдаа ирээгүй ажилтнуудыг буруутгаж дарамтлах хандлага гаргахгүй байх ба тэдэнд дэмжлэг үзүүлэх арга хэмжээ зохион байгуулах

Томуу, томуу төст өвчний халдварт эрсдэлтэй ба хүндрэл гарч болзошгүй ажиллагсдаа хамгаалах

· Жирэмсэн эмэгтэйчүүд, 0-5 насны хүүхдүүд, уушигны архаг өвчтэй, зүрхний өвчтэй, чихрийн шижин зэрэг дархлааг дарангуйлдаг суурь өвчтэй болон 65- аас дээш насны хүмүүсийн өвдсөн тохиолдолд хүндрэл гарч болохыг нийт ажиллагсдад мэдээлэх

· Эдгээр эрсдэлтэй хүмүүс өөрсдөө хэрхэн урьдчилан сэргийлэх талаар эрүүл мэндийн байгууллагын ажилтнуудаас өгч байгаа зөвлөгөөг ёсчлон биелүүлэх, эхний шинж тэмдэг илэрсэн тохиолдолд эмчийн хяналтанд эмчлүүлж хүндрэлээс сэргийлэх шаардлагатай

· Ажил олгогчдын зүгээс эрсдэлтэй бүлгийн хүмүүсийн ажлын ачааллыг багасгах, ээлжийн амралтыг олгох эсвэл түр хугацаанд гэртээ байх боломж олгох

Холбогдох нөөцийг бүрдүүлэх

· Ажиллагсаддаа ариутгалын бодис, маск, зарим шаардлагатай эм, хүнсний бүтээгдхүүн ялангуяа сармис, аарц, чацаргана зэргээр үйлчлэх тодорхой хугацааны нөөцийг бүрдүүлэх, үний өсөтөөс хамгаалах

Эрчим хүч, уул уурхай, барилга, зам, хот тохижилт зэрэг гадаа ажилладаг, хөдөлмөрийн хэвийн бус нөхцөлтэй ажлын байранд A(Н1N1) томуугийн

халдвараас сэргийлэх зөвлөмж

Хөдөлмөр зохион байгуулалт хийх

· Газар доор, гадаа удаан хугацаагаар ажилладаг зэрэг хөдөлмөрийн хэвийн бус нөхцөлд ажилладаг хүмүүсийн нэг ээлжинд ажиллах ажлын цагийг богиносгох

· Шөнийн ээлжинд ажиллагсдын ээлжийн цагийг багасгах

· Нэг ээлжинд олон хүн ажиллуулахгүй байх

Хөдөлмөрийн эрүүл ахуй, ариун цэврийн нөхцлийг хангах

· Ажлын байрны эрүүл ахуйн нөхцлийг сайжруулах, ялангуяа ажилчдын ахуйн болон ариун цэврийн өрөөнд цэвэрлэгээ, ариутгалыг хлор агуулсан бодисуудаар өдөрт 2-3 удаа хийх

· Хүйтний улиралд тохирсон хөдөлмөр хамгааллын дулаан гутал хувцсаар хангах

· Хөдөлмөр хамгааллын зааварчилгаанд Томуу, томуу төст өвчний халдвараас сэргийлэх зөвлөмжийг оруулах

· Ажлын байранд халуун хоол, чанасан аарц, чацарганы шүүс, цайгаар тогтмол хугацаанд үйлчлэх

· Ажлын байранд гараа савандаж угаах, халуун усанд орох, ууранд суух боломжийг бүрдүүлэх

· амрах, алжаал тайлах орчныг ажлын байранд бүрдүүлэх

· Гар савандаж угаах нөхцөл /шингэн саван, бүлээн ус_ халдваргүйтгэлийн бодис, гар хатаагуур/ -ийг бүрдүүлж, угаалтуурын тоог нэмэгдүүлэх, халдваргүйтгэл, цэвэрлэгээг тогтмолжуулах

· Ажлын байранд зөвөлгөө өгөх, томуугаас сэргийлэх энгийн аргуудыг хэрэглэж хэвших