Эрүүл мэндийн салбарын 2011 оны шилдгүүд шалгарлаа

 

Эрүүл мэндийн сайдын 2011 оны 12-р сарын 20-ны өдрийн 420 тоот тушаалаар эрүүл мэндийн салбарын оны шилдгүүдийг баталлаа.  "Оны шилдэг эм зүйч" номинацид анхдагч нутгийн зон олныхоо итгэлийг хүлээн Булган аймгийн  "Булган Эм хангамж"  ХХК-ийн захирал, эм зүйч Алтангэрэлийн Оюунгэрэл шалгарч бид бүхнийгээ баярлууллаа.  Оны шилдгээр шалгарсан дараахи мэргэжилтнүүддээ шинэ жилийн баярын мэнд хүргэж, ирэх ондоо ажил хөдөлмөрийн улам өндөр амжилт гаргахыг хүсэн ерөөе. 

 

• “Оны шилдэг эрүүл мэндийн төрийн түшмэл” Эрүүл мэндийн яамны Төрийн захиргааны удирдлагын газрын орлогч дарга Сүхээгийн Эрдэнэтуяа
• “Оны шилдэг эмч” Эх, хүүхдийн эрүүл мэндийн үндэсний төвийн цус, хавдар судлалын тасгийн эрхлэгч, Зөвлөх эмч Гувираагийн Чимгээ
• “Оны шилдэг эм зүйч” Булган аймгийн “Булган Эм хангамж” ХХК-ны захирал, эм зүйч Алтангэрэлийн Оюунгэрэл
• “Оны шилдэг сувилагч” Говь-Алтай аймгийн нэгдсэн эмнэлгийн амбулаторийн тасгийн сувилагч Дашзэвэгийн Олонбаяр
• “Оны шилдэг нийгмийн эрүүл мэндийн ажилтан” Сэлэнгэ аймгийн Эрүүл мэндийн газрын Нийгмийн эрүүл мэнд, сургалт сурталчилгаа хариуцсан мэргэжилтэн Норовын Даваасүрэн
• “Оны шилдэг анагаахын судлаач” Геронтологийн төвийн захирал, анагаах ухааны доктор Рагчаагийн Оюунханд
• “Оны шилдэг анагаахын багш” ЭМШУИС-ийн АУС-ийн мэс заслын I тэнхмийн эрхлэгч Оргойн Сэргэлэн
• “Оны шилдэг анагаахын оюутан” ЭМШУИС-ийн АУС-ийн 6 дугаар дамжааны оюутан Цагаанхүүгийн Рэнцэндорж

Оны шилдэг ажилтнаар шалгарсан эм зүйч А.Оюунгэрэл танд болон таны гэр бүлд аж жаргал, эрүүл энх сайн сайхан бүхнийг хүсэн ерөөе.

БУЛГАН АЙМГИЙН ЭРҮҮЛ МЭНДИЙН ГАЗАР