Томуугийн A(H7N9) вирусын халдвараас сэргийлье

    БНХАУ-ын  Өвчний хяналт, сэргийлэлтийн төвд энэ 3 дугаар сарын 29-нд томуугийн A(H7N9) вирүс ялгаснаа БНХАУ-ын холбогдох албад мэдээлжээ. 2013 оны 4-р сарын 5-ны байдлаар Томуугийн A(H7N9) вирусээр сэдээгдсэн хүний өвчлөлийн 14 тохиолдол  бүртгэгдсэнээс 6 нь нас барсан байна. Өвчтөнд халуурах, ханиах шинж тэмдэг илэрч, хатгаагаар хүндэрсэн байна.  Эдгээр  тохиолдлуудад өвчлөгсөд  өвчлөхөөсөө өмнө шувуутай харьцаж байсан өгүүлэмжтэй байна.  

Хавьтлуудад ажиглалт хийж байна. ( 88 + 167 +55= бүгд 310 )
Иймээс уг халдвараас сэргийлэх, сонор сэрэмжтэй байхыг ард иргэддээ зөвлөж байна. Үүнд:
  1. Өвчлөл бүртгэгдсэн газар нутагт онцын шаардлагагүй бол зорчихийг түр хойшлуулах.
  2. Хүн бүр хувийн ариун цэврийн дэглэмийг сайтар сахих, хүнсний бүтээгдэхүүний эрүүл ахуйг сахих.
  3. Гараа бохирдсон тохиолдол бүрт сайтар савандаж угаах
  4. Шувууны гаралтай бүтээгдэхүүнийг бүрэн боловсруулж хэрэглэх ба эрүүл ахуйн шаардлага хангасан газраас худалдаж авах.
  5. Үхсэн шувууны сэг зэмтэй харьцахгүй байх, шаардлагатай тохиолдолд мэргэжлийн байгууллагад мэдээлэх
  6. Биеийн эсргүүцлийг сайжруулах, аминдэмээр /витамин С, чацаргана, аарц / баялаг хоол, хүнс хэрэглэх
  7. Гэр орондоо чийгтэй цэвэрлэгээ хийх, 2 цаг тутамд  агааржуулалт хийж байх
  8. Хэрэв томуугийн шинж тэмдэг илрэх, халуурах, ханиах, амьсгалахад бэрхшээлтэй болох шинж тэмдэг илэрвэл эмчид хандах хэрэгтэйг зөвлөж байна.

ХӨСҮТөв


Print Friendly and PDF

No comments:

Post a Comment