Жирэмсний хяналтад орохын ач холбогдол

       Жирэмсэн эмэгтэй жирэмсний эхний 3 сар дотор заавал эмчид үзүүлж төрөх хүртэлх үед эрүүл мэндийн цогц үйлчилгээг авахыг жирэмсний хяналт гэж нэрлэнэ. Жирэмсэн эмэгтэй өөрөө жирэмсний хяналтанд эрт орох идэвх, санаачлагатай байх, нөхөр/найз залуу, ээж, аав, хамт олон ,найз нөхөд нь анхаарал халамж тавьж  туслаж дэмждэг байх нь чухал.

Жирэмсний хяналтад орохын ач холбогдол:

·         Жирэмсний хугацаа, жирэмсний чөлөө авах, хүүхэд төрөх хугацааг үнэн зөв тогтооно.

·         Янз бүрийн халдварт өвчний шинжилгээнд тогтмол хамрагдана.

·         Төрөлжсөн мэргэжлийн эмч нарын үзлэгт орж, эрүүл мэндээ эрт мэднэ.

·         Ямар нэг өвчин илэрвэл шуурхай эмчлүүлэн эрүүлжинэ. Үүнд:

-Бэлгийн замын халдвар болон үрэвсэлт өвчин.
-Хэвлий дэх ургийн өсөлт хөгжилтийг хянах
-Жирэмслэлт, төрөлтийн үед тохиолдож болох хүндрэлүүдээс сэргийлэх, цаг алдалгүй тусламж авах
-Жирэмсэн үеийн дэглэм, төрөлтөд бэлтгэх, нярай хүүхэд асрах талаар мэдлэгтэй болох.

Жирэмсэн үед хийгддэг шинжилгээнүүд ямар ач холбогдолтой вэ?

}  Цусны ерөнхий шинжилгээ: Цус багадалт, үрэвсэлт өвчин, цусны бүлэгнэлт, цусны болон бусад өвчин эмгэгүүдийг илрүүлэх

}  Шээсний ерөнхий шинжилгээ: Бөөр, шээсний замын эмгэг, жирэмсний үеийн бөөрний хүндрэлийг илрүүлэх

}  Цээж гэрэлд харах шинжилгээ: Амьсгалын замын эмгэгүүдийг илрүүлэх

}  Үтрээний наацын шинжилгээ: Төрөх замын эмгэг, бэлгийн замын халдварыг илрүүлэх

}  Тэмбүүгийн сорил: Тэмбүү өвчнийг илрүүлэх

}  ХДХВ илрүүлэх сорил: ДОХ-ын халдварыг илрүүлэх

}  Хэт авиан шинжилгээ: Ургийн өсөлт, хөгжил, удамшлын болон олдмол гажиг, эхэсийн байдал, ургийн усны талаар мэдээлэлтэй болох

}  Бусад нарийвчилсан шинжилгээнүүд: шаардлагатай тохиолдолд хийгдэнэ.

Сэргийлж болох 3 хожимдол:

}  Хожимдол 1:

-          Эмчид хандахгүй, эмнэлгийн тусламж хайхгүй буруу зан үйлийн хожимдол

}   Хожимдол 2:

-          Эмнэлэгт очихоо хойшлуулж, алгуурлаж цаг алдах хожимдол

}  Хожимдол 3:

-  Эмнэлэгт шаардлагатай тусламжийг яаралтай, чанартай үзүүлэхгүй хожимдол үүсэх зэрэг юм.