Нийгмийн эрүүл мэндийг дэмжих жилийн нээлт

     Эрүүл мэндийн яамнаас 2017 оныг Нийгмийн эрүүл мэндийг дэмжих жил болгон зарласан. Манай аймгийн хувьд 2010 оноос Нийгмийн эрүүл мэндийг дэмжих чиглэлээр олон талт ажил хийж байгаа нь улсын жишиг аймаг болох нөхцөл боломжийг бүрдүүлсэн. 

Энэ үүднээс Нийгмийн эрүүл мэндийн хүрээлэнгээс жилийн ажлын нээлт, сургалтыг Булган аймгаас эхэлж байна. манай аймаг энэ жил "Нийгмийн эрүүл мэндийг дэмжихэд салбар дундын хамтын ажиллагааг сайжруулах" жил болгон зарлалаа. 7 хоног бүрийн Баасан гаригийг эрүүл мэндийн өдөр болгож байна.
Мөн энэ өдөр олон улсын сувилагчийн өдрийг угтаж “Сувилагчийн нэг өдөр” арга хэмжээг аймгийн нэгдсэн эмнэлгээс Цогт хун тайжийн талбайд зохион байгууллаа. Аймгийн нэгдсэн эмнэлэгт 125 сувилагч, эмнэлгийн мэргэжилтэн байдаг аж. “Сувилагчийн нэг өдөр” арга хэмжээнд оролцсон зарим иргэдэд цусны даралт үзэх, биеийн индексийг тодорхойлох, шүүс, витаминаар үйлчлэх зэрэг ажил хийсэн байна.