Эрүүл мэндийн яамны Төрийн нарийн
бичгийн дарга Н.Хүрэлбаатар, БНСУ-ын Эрүүл мэнд, нийгмийн хамгааллын
сайд хатагтай Жин Сү Хи нар 2011 оны 8-р сарын 22 –нд Улаанбаатар хотын
Сүхбаатар дүүрэгт баригдах Монгол Солонгосын хамтарсан МК олон улсын
оношлогоо, эмчилгээний цогцолборын суурь тавих ёслолын үйл ажиллагаанд
оролцов.
Ёслолын үйл ажиллагаанд түүнчлэн Эрүүл мэндийн яамны Санхүү хөрөнгө
оруулалтын газрын дарга Н.Түмэндэмбэрэл, Эмнэлгийн тусламжийн бодлогын
хэрэгжилтийг зохицуулах газрын дарга Д.Гончигсүрэн, БНСУ-ын “Хюундай”
эмнэлгийн захирал Ким Бү Соб, “Саммит Медикал” ХХК-ийн захирал
Б.Түвшинжаргал болон бусад албаны төлөөлөгчид оролцсон байна.
МК
олон улсын эмнэлэг нь гэмтэл согог, нуруу нугас, ерөнхий мэс засал,
дотор, нөхөн сэргээх, эрчимт эмчилгээ, амбулатори зэрэг тасаг нэгжээс
бүрдэх ба орчин үеийн өндөр хүчин чадалтай соронзон томографи,
компьютерт томографи зэрэг тоног төхөөрөмжүүдээр иж бүрэн тоноглогдсон,
нийт 204 ортой эмнэлэг байх юм.
No comments:
Post a Comment